Fitxa

Jaiotza, adopzio, harrera eta erdokitzea

DATU OROKORRAK
Kodea	LEMUS-LAC
Izenburua	Jaoitza, adopzio, harrera eta erdokitzea
Azalpen laburra	UPV/EHUko irakasle eta ikertzaileek ordaindutako baimena eskatu ahal izango dute jaiotza, adopzio, harrera eta erdokitzeagatik
Zerbitzu edo atal arduraduna	Pertsonaleko Gerenteordetza - IIP Zerbitzua.
Eskari egilea	UPV/EHUko irakasle edo ikertzailea.
IZAPIDEEN DATUAK
Hasteko modua	Intereresatuak berak eskatuta.
Tramiteak egiteko modua	Paperean.
Izapidea egiteko lekua	Korreo elektronikoa
Eskaera egiteko epea	Gertakaria gertatu ondoren.
Baldintzak	Eskari orria betetzea
Izapiderako behar den dokumentazioa	-Eskari orria. -Familia liburua edo haurra Erregistro Zibilean inskribatu izanaren ziurtagiria, adopzioa gauzatzeko bidea eman duen erabaki judiziala, edo familiako harrera eman duen ebazpen administratibo edo judiziala (fotokopia). -Erditu baino lehenago langileak gaixotasun baja izan badu, altaren agiria.
Administrazioko izapide edo jarduera kopurua	-Eskari orria jaitsi eta betetzea. -Eskaria, eskatutako dokumentazioarekin batera, helbide elektroniko honetara bidali beharko da: iip.zerb.jaiotza@ehu.es
Baimenaren iraupena	OHIKO IRAUPENA ETA BANAKETA Baimena honela banatuko da: NAHITAEZKO ZATIA Nahitaez hartu beharreko sei aste, etenik gabe eta lanaldi osoan, erditu ostean (adopzio edo harrera kasuetan, erabaki judiziala edo administratiboa). BORONDATEZKO ZATIA Nahi izanez gero har daitezkeen beste hamar aste, nahitaez hartu beharreko sei asteen ostean. Ama biologikoak erditze data baino lehenago hartu ahal izango ditu lau aste. Adopzioen kasuan, sei aste horietako lau hartu ahal izango dira adopzioa eratzen duen erabaki judiziala baino lehenago edo harrera ematen duen erabaki judizial edo administratiboa baino lehenago. 1. Gurasoetako batek baino ez badu egiten lan, hamabi asteko baimena etenik gabe hartu beharko da nahitaez. 2. Guraso biek egiten badute lan, eta igarota nahitaez hartu beharreko atsedenaldiko sei asteak, gainerako asteak (har daitezkeen beste 12 asteak, salbu eta horietako batzuk erditze eguna baino lehenago hartu dituzten ama biologikoen kasua) honela hartuko dira: -EBEPen aipatzen diren borondatezko asteak erditzearen ondoko 12 hilabeteetan hartuko dira (edota erabaki judiziala edo administratiboa eman ondokoetan adopzio zein harrera kasuetan), asteka, eta etenak egin ahal izango dira (halakoetan, baimena eskatu beharko da aldi bakoitzean, baimenaren hasiera data baino 15 egun lehenago gutxienez). Baimen hori lanaldi osoz edo lanaldi partzialez hartu ahal izango da, zerbitzuaren beharrek horretarako aukera ematen dutenean. HOBEKUNTZA (UPV/EHU) -UPV/EHUk ematen dituen beste bi asteak etenik gabe hartu beharko dira, EBEPen aipatzen diren borondatezko asteen azken aldiaren ostean. Baimen hori lanaldi osoz edo lanaldi partzialez hartu ahal izango da, zerbitzuaren beharrek horretarako aukera ematen dutenean. BAIMENAREN IRAUPENA EDO BALDINTZAK ALDATZEA Baimena luzatu edo aldatu ahal izango da kasu hauetan: -Aste bat gehiago guraso bakoitzak seme edo alaba bakoitzagatik, bigarrenetik aurrera, jaiotza, adopzioa edo harrera anizkoitza denean. -Aste bat gehiago guraso bakoitzak semeak edo alabak desgaitasunen bat badauka. -Baimena luzatu ahal izango da, gehien dela beste 13 astez, erditzea goiztiarra bada edota jaioberriak ospitalean egon behar badu (zazpi egun baino gehiago). Semea edo alaba hiltzen bada, edo jaio ez arren haurdunaldia gutxienez ehun eta laurogei egunekoa izan bada, baimena ez da murriztuko, baldin eta, nahitaezko atsedenaldiaren sei asteak igaro ondoren, berriro lanean hastea eskatzen ez den. Ama hiltzen bada, beste gurasoak hartu ahal izango ditu baimeneko egun guztiak; edo, baimena hasita badago, gelditzen diren egunak. Nazioarteko adopzio edo harrera kasuetan, gurasoek joan behar badute adoptatutakoaren jaioterrira, gehienera bi hilabeteko baimena hartzeko eskubidea izango dute, eta aldi horretan oinarrizko ordainsariak jasoko dituzte. Langileak administrazioak deitutako prestakuntza ikastaroetan parte hartu ahal izango du baimena hartuta dagoenean, betiere nahitaezko atsedenaldia bukatu bada. HAURRA EDOSKITZEKO BAIMENA Amatasun, aitatasun, adopzio edo harreragatiko baimenaz gain, honako hau hartu ahal izango da: Langilea ordubetez lanetik kanpo egon ahalko da hamabi hilabete baino gutxiagoko haurra edoskitzeko. Ordubete hori zati bitan banatu ahal izango da. Beste aukera bat ere badago: ohiko lanaldia ordu erdiz murriztea lanaldiaren hasieran eta bukaeran, edo ordubete lanaldiaren hasieran edo bukaeran, betiere, helburu bera betetzeko. Baimen hori proportzionalki handituko da erditze, adopzio edo adopziorako zein harrerarako zaintza anizkoitzen kasuetan. Haurra edoskitzeko orduak metatzea Langileak, haurra edoskitzeko denboraren ordez, ordaindutako baimena eskatu ahal izango du eta lanaldi osoetan metatu baimenaren denbora. Baimen hori hartu beharko da beste baimen hauek amaitu ondoren: amatasuna, adopzioa, harrera, edo ama ez den gurasoak hartutakoa. Gogoan izan behar da, nolanahi ere, bakarrik hartuko direla kontuan langileak zerbitzuan benetan emango lituzkeen egunetako orduak. Hori dela eta, eskaera egitean, langileak adierazi beharko du ea umeari hamabigarren hilabetea betetzeko geratzen zaion denboran baimen, opor edo eszedentziarik hartuko duen, hartara aldi horiek kontuan ez hartzeko. Baimen hau funtzionarioaren eskubide indibiduala da eta, beraz, ezin zaio laga beste gurasoari edo haurra adoptatzen, adopzio aurreko zaintzan hartzen zein harreran hartzen duen beste pertsonari.
Oharrak
Araudia	- 39/2015 Legea, urriaren 1ekoa, Administrazio Publikoen Administrazio Prozedura Erkidearena. - 40/2015 Legea, urriaren 1ekoa, Sektore Publikoaren Araubide Juridikoarena - Abenduaren 13ko 15/1999 Lege Organikoa, Datu Pertsonalak Babesteari buruzkoa. 5/2015 Legegintzako Errege Dekretua, urriaren 30ekoa, Enplegatu Publikoaren Oinarrizko Estatutuaren Legearen testu bategina onartzen duena. - Uztailaren 6ko 6/1989 Legea, Euskal Funtzio Publikoari buruzkoa. - UPV/EHUko Langileen Lan Baldintzak Arautzeko Hitzarmena, 1996koa. - UPV/EHUko Lan Kontratudun Irakasle eta Ikertzaileen Hitzarmen Kolektiboa. - Akordioa, UPV/EHUko irakasle eta ikertzaileen lan baldintzak arautzeko hitzarmena eta hitzarmen kolektiboa hobetzeko dena. - Akordioa, 2011ko irailaren 16koa, Negoziazio Mahaiarena, UPV/EHUko irakasle eta ikertzaile funtzionarioen lan baldintzei buruzkoa.
Isiltasunaren ondorioak	Positiboa.
Administrazio bidearen amaiera	Bai.
Errekurtsoak/Alegazioak	Errekurtso egilea funtzionarioa bada: - Berraztertze errekurtsoa errektoreari hilabeteko epean. - Administrazioarekiko auzi errekurtsoa bi hilabeteko epean. Errekurtso egilea lan kontratuduna bada: -Egintza judiziala lan arloko epaitegietan bi hilabeteko epean.
Informazio zabalagoa	- Eskaera helbide elektroniko honetara bidali behar da: iip.zerb.jaiotza@ehu.es - Ez da bete behar kalkulua eskatzen den aldia agertzen den atala, negoziatuak berak egiten baitu. - Aldi bakoitzari dagozkion datak kalkulatu ondoren, eskatzailearen posta elektroniko korporatibora (eta, era berean, atxikitze-zentrora) inprimakiaren kopia bat bidaliko da, eskatutako lizentziaren amaiera-data adierazita.
Dokumentazioa
Izapidetzeko behar den dokumentazioa	- Eskari orria - - (ondoren aurkeztu beharrekoa) - (ondoren aurkeztu beharrekoa) - (ondoren aurkeztu beharrekoa)